朱古力人

再遊三星灣，雖然今次賀回歸活動只剩我和文迪，但依然好玩，因為我倆都勁愛陽光與海灘！其實我比較喜歡梁詠琪fancl式的激白皮膚，奈何抵受不了海灘的引誘，更加使不出相中人兄游水撐遮的絕密防曬秘技．．．星期一上班，同事忍不住問「呢個weekend你去左邊?做咩搞到成粒朱古力咁?」oh no...!!!
聽說曬太陽是有學問的。首先在塗太陽油之前要用bb油打底，至於太陽油可選擇Hawaiian Tropic 的 Dark Tanning oil(金色蓋，曬後皮膚程深古銅色)或 Royal Tanning Blend( 紅色蓋，曬後皮膚程深古銅帶紅色)。游水可以曬得更均衡，因為水的折射令皮膚各部分都能受光。上水後必須完全抺乾皮膚才可補上太陽油，每半小時就要塗一次了！跟據個人經驗，有時還要跟著太陽的方向轉身，嘻嘻(信不信由你)。曬前都不可偷懶，兩三日前先做磨砂，磨走身上死皮(尤其是手肘、腳 及面部位置)，會曬得更均勻漂亮，曬後則要勤力塗多點曬後護膚霜和補濕lotion，幫助維持膚色．．．必要時加塊銀色反光墊，不過唔知會否煎熟．．．「妳個背脊囇到好似ｄ街頭死靚仔咁...」(邊個講呢句說話自首唔該)