攀登富士山之旅後記

8天的旅程就這樣過去了,快樂的時間過得雖快,但一個個開心的片段會永遠停留在我的腦海裡。原來經過8天24小時的相處,我發現真的很愛我的團友呢!怕肉麻的我,只好等他們自己發現這個blog才聽到我說多謝吧~

vivi - 多謝妳plan好晒所有行程,重要非常咁豐富,等我完全唔使用個腦就去旅行,行完2日東京都唔需要認路,而且為人咁癲,配合我呢個咁喪既人即刻擦出晒火花,陪我喪飲同玩,我飲一杯妳就即刻陪我自隊一杯,為我呢個旅程帶黎好多歡樂!

per - 多謝你忍左我呢個咁嘈既 roommate8日,行完山累到喊都幫我地駕足5日車,對住我地幾個喪女都做足咁多日 gentleman,我壞左電話又唔識路你都俾我死痴搞到你買唔到嘢,呢幾日我真係覺得你man爆!

陳惠敏 - 多謝妳忍左我既嘈音8日但都仲係表現到咁decent同sweet,仲幫我影左咁多相,希望妳在日本有個難忘既生日,同埋記得我一個大大既birthday hug!