中女番大陸

尋晚放工約左阿蛇,Terri, Color同 Terri個 friend Joanne番大陸揼骨，真係raw爆~! Terri話我上次帶佢去果間好貴，所以今次由佢發板帶我地去一間又平又靚的，叫金冠假期。

一上到火車Terri就強調我先至叫中女，佢地４個叫剩女...使唔使咁灰啊~我地沿途都勁多人望啦，哈哈～過關時撞到表哥，佢見到我地５個仲話不如同佢d friend一齊飲嘢，我心諗跟你仲危險啦~所以話下次先，同埋今次個main brief都係食飯加揼骨，唔會無啦啦走左去蒲lor。

出左入境大樓terri好熟練咁帶我地去拿coupon，話可以平好多，真係喎，原來本$248香薰2個鐘加1個鐘大堂變成$158加送多一個大堂再 r咗5杯 free drinks同過夜，咁真係好抵啊～不過去之前我地去左一間唔知咩嘢食毛家菜話好好食喎，又係terri發板點知哎d嘢全部都勁油膩，炒碟菜都勁多油，食完之後個胃好辛苦，好似有一層油喺個胃入面浪下浪下咁！

去到金冠假期喇，而家竟然要登記身份證先可以入場，話係公安規定喎，我地當然係好有hesitation，但一場黎到點都要入去。入到去個場比我想像中靚同乾淨啊。揼骨嘅時候一如以往，啲揼骨姐姐一定係話我ｄ肌肉好實，係咪做好多運動，同埋話我做得太犀利，令到ｄ筋扭埋晒一舊，聽落都覺得恐怖！不過揼完真係成個人鬆晒，好舒服呀。一路揼一路撩個姐姐講嘢，我問佢有冇遇到ｄ好怪嘅客人，佢話好多呀！上星期先遇到個後生仔，仲幾靚仔嘅，佢叫個姐姐俾隻腳指佢吮，仲話會俾多ｄtips，嘩～諗起都嘔心，乜而家ｄ人咁變態！個姐姐話大把呢ｄ人呀！咁我再問，有冇ｄ女人係咁架，佢話超多喎，唔係卦～？咁我問下咩事啦，佢話有好多香港ｄ師奶上到去指定要靚仔男按摩師按摩，仲要俾多ｄ錢都要迫個師傅按埋胸～oh no!!!! 自問真係接受唔到搵男人做message啊!!!佢仲講左好多更加變態嘅事俾我聽，真係好恐怖呀～

諗諗下番大陸都幾得人驚，愈諗愈污糟，令到我下次再visit嘅意欲大減！我而家淨係記掛住我個富士山trip同埋下年個神山之旅渣！