我的運動日誌

今日狀態好差，頭15分鐘已經滿頭大汗，手冇力，腳又軟，打左一個鐘之後已經想死，唔知係咪工作影響，令到我個膊頭好累，泰仔都問我做咩今日冇力。我覺得今日浪費咗個半鐘。

其實運動真係一件好奇怪嘅事，有時都會問自己，做咩咁辛苦走去跑步，跑左咁多又唔見自己瘦咗，反而條腿愈跑愈粗，而家已經變成霹靂無敵碎石腿，都唔知為乜，而且跑步真係一件好悶嘅事，個幾鐘係咁聽歌，眼又唔知望邊好，不過當我做完運動個人放鬆咗之後，真係覺得個人開心哂，好似完成咗一件好重要嘅事咁，個感覺同行完一個山好似。我希望過多十年後可以練跑馬拉松。點解要十年之後?馬拉松係一件好講意志力嘅事，要日日練，今時今日嘅我意志力都仲係好薄弱，而家練一定失敗。如果鍾意跑步嘅一定要睇村上春樹嘅《關於跑步，我說的其實是．．．》呢本書，睇完會再鍾意啲。