華懋同陳振聰的爭產案好睇過溏心風暴，從未試過睇報紙頭版好似追連續劇咁，日日有高潮！陳振聰個樣愈來愈面目可僧，貪人30億都仲唔夠，要貪夠全副身家咁賤格，個樣衰到咁龔如心都會同佢一齊我真係唔明。我有３０億我搵郭富城都仲得啦！貪都算我當係人之常情，但一個人咁不知廉耻都真係第一次見，自己明明有老婆仲可以大模斯樣行出黎話同小甜甜發展「浪漫性關係」我真係覺得映衰晒香港人、所有風水師、全世界所有男人、所有姓陳既人甚至乎係人類！
對於呢套爭產劇個劇情發展，我個人意見係，最好王德輝出現係庭上面，講一句「我係王德輝，你地唔好再爭啦，ｄ錢係我既。」退庭～～你話幾咁峰迴路轉，幾咁好睇呢～！！
沒有留言:
發佈留言