香港騙子何其多!
今日一個merchant上公司present,由於我跟小龍女都很忙,所以打算敷衍他10分鐘就扮有urgent meeting而閃人。此人年約40,卡片上title寫director,身穿bathing ape衛衣加牛仔褲,身份跟衣著完全唔襯,仲甩了一隻門牙和爛了幾隻牙!!!不過相貌跟衣著並不是今日講題的重點,他介紹的產品才是精髓所在!我就稱他為richard吧!
richard:今日我介紹俾你地呢個產品好犀利,從未於亞洲推出過!我地係獨家代理!(隨即在公事包((穿衛衣拿公事包好型啊))拿出一個酷似鏡盒的東西,包裝極其粗製濫造,設計老套.打開膠套,左邊有類似沙紙的東西,右邊則放有一個可穿起三隻手指的套,估計可作磨沙用途)
我:呢個係咩黎ka?
richard:呢個勁啦,係脫毛器
我:下?
richard: 係呀!呢個叫快易脫毛微米磨光脫毛手墊,係歐洲最新科技,你地知la,納米就人人都聽過,而微米係仲細過納米1000分之一咁多,所以係最新技術(我記得微米大過納米1000倍至真,但我忍住沒說),仲係歐盟註冊專利,法國,意大利,希臘果d國家都好hit, 出好多tvc 呀, 同埋大department store果d都有得賣 (下刪200字關於這件產品好勁)
我:咁點用ka?
richard: 我而家試俾你睇!(向住小龍女伸出雙手)你借隻手俾我示範下...
小龍女:(即時縮手,驚恐狀)唔好試我,我隻手好污糟
我自告奮勇伸出右手,因為很想知它有幾勁:我黎!
(richard以手墊在我的手背打了幾個圈後,好似真的白左少少):嗱,你睇下,即刻滑左,仲冇晒毛,因為d微米粒子把你的手毛磨掉了
我:好以真係白左d,但我隻手不嬲都係冇毛ka喎
richard:佢除左可以幫你脫毛之外,仲可以幫你去死皮,漂白,保濕滋潤皮膚,而且,仲係可以有永久脫毛既效果......
小龍女:點永久脫毛呀?只係磨到表面,磨唔到毛囊架喎....
richard:嗱,我都未講完,要配合埋呢支水份xx精華素先得架!(以下係全篇重點,請留心)你每日用呢支精華素塗係皮膚度, 佢可以幫你d毛孔既細胞重組,因為佢可以釋放d信息俾d毛孔,令到d毛孔好似失憶咁,唔記得生番d毛髮出黎!長期用可以續漸改變毛髮既生長周期,令到毛髮生長速度減慢,從而達到永久脫毛既效果!好多人而家用幾萬蚊去做激光,彩光果啲,其實果啲並唔係好有效,你要去做十幾廿次,重會傷皮膚,痛,同埋唔會永久law,我呢個就全無副作用,又方便,又永久..........
呢個時候,我望了望小龍女,因為我想笑,但佢唔理我....佢呆左..
小龍女問:咁你諗住點推呢隻產品呢?
richard: 我初步打算向銀行方面推出呢隻產品
(呢個時候,我feel到小龍女開始憤怒了)小龍女大聲道:你做乜推俾銀行呀!你更係推俾莎莎r,卓悅呀果d架啦!老實講,你呢d咁新既美容產品,我地係唔會介紹俾客ka!
richard: er...(吹得更加利害了)其實我地都諗住係sogo sell, 莎莎卓越果d我地唔考慮,因為太cheap了
我: sogo好難傾ka喎,你咁都傾到,好勁喎!
richard....er....其實都未正式傾既....遲d我地仲諗住發展大陸同日本既市場....
小龍女:係lor, 大陸好呀,做咩揀香港呀?
richard: 因為香港個市場比較有潛力la, 因為香港d女仕,好似你地2個咁,都好注重美容果方面..(下刪300字老作內容)
我:咁呢樣野幾錢 r?
richard: retail price我地賣緊$1,288,咁我地賣俾你地銀行就$748得啦 (嘩~~!!!! 十蚊我都唔買r!!!)
我:咁你有冇d外國既廣告r,leaflet, website果d睇下r?我地都需要多d資料去研究下
richard: er....呢d我就冇....但我有少少資料俾你睇 (我一睇,嘩~~~~勁多錯字呀~~~!!!!)
今日回到家,好奇的我上網search下關於呢件product既資料,基本上是沒有任何介紹,且不是英文,幾經辛苦找到了一個購物網售賣這件product, 賣23.5歐羅渣!!!!!!!!!!!!!!!!
其實...是否只是自己孤陋寡聞,毛孔真係會失憶啊?
如對本文章介紹之產品有興趣,請瀏覽以下網址:
http://www.pannomagico.it/eng/depilatore.htm
多謝惠顧!!
沒有留言:
發佈留言