葬身於炸菜肉絲米的曱甴

對於曱甴先生來說，這可能是一個最幸福的死法。

對於我來說，它令我永遠對外賣早餐、炸菜肉絲及沙嗲牛肉留有陰影。

東坪洲精神病院開放日

日期：2009年5月2日

時間：早上11時

地點：東坪洲

人物：病人orangeball、ms.pig、puiky

輝哥你番黎啦～

華懋同陳振聰的爭產案好睇過溏心風暴，從未試過睇報紙頭版好似追連續劇咁，日日有高潮！陳振聰個樣愈來愈面目可僧，貪人30億都仲唔夠，要貪夠全副身家咁賤格，個樣衰到咁龔如心都會同佢一齊我真係唔明。我有３０億我搵郭富城都仲得啦！貪都算我當係人之常情，但一個人咁不知廉耻都真係第一次見，自己明明有老婆仲可以大模斯樣行出黎話同小甜甜發展「浪漫性關係」我真係覺得映衰晒香港人、所有風水師、全世界所有男人、所有姓陳既人甚至乎係人類！

對於呢套爭產劇個劇情發展，我個人意見係，最好王德輝出現係庭上面，講一句「我係王德輝，你地唔好再爭啦，ｄ錢係我既。」退庭～～你話幾咁峰迴路轉，幾咁好睇呢～！！

絕食書

　　在陽光燦爛的五月裏，我們絕食了。在這最美好的青春時刻，我們卻不得不把一切生之美好絕然地留在身後了，但我們是多麼的不情願，多麼的不甘心啊！

　　然而，國家已經到了這樣的時刻：物價飛漲、官倒橫流、強權高懸、官僚腐敗、大批仁人志士流落海外、社會治安日趨混亂，在這民族存亡的生死關頭，同胞們，一切有良心的同胞們，請聽一聽我們的呼聲吧！

　　國家是我們的國家，

　　人民是我們的人民，

　　政府是我們的政府，

　　我們不喊，誰喊？

　　我們不幹，誰幹？

　　儘管我們的肩膀還很柔嫩，儘管死亡對於我們來說，還顯得過於沉重，但是，我們去了，我們卻不得不去，歷史這樣要求我們。

　　我們最純潔的愛國感情，我們最優秀的赤子心靈，卻被說成是「動亂」，說成是「別有用心」，說成是「受一小撮人的利用」。

　　我們想請求所有正直的中國公民，請求每個工人、農民、士兵、平民、知識分子、社會名流、政府官員、警察和那些給我們炮製罪名的人，把你們的手撫在你們的心上，問一問你們的良心，我們有什麼罪？我們是亂動嗎?我們罷課，我們遊行，我們絕食，我們藏身？到底是為了什麼？可是，我們的感情卻一再被玩弄，我們忍著飢餓追求真理卻遭到軍警毒打……學生代表跪求民主卻被視而不見，平等對話的要求一再拖延，學生領袖身處危難……

　　我們怎麼辦？

　　民主是人生最崇高的生存感情，自由是人與生俱來的天賦人權，但這就需要我們用這些年輕的生命去換取，這難道是中華民族的自豪嗎？

　　絕食乃不得已而為之，也不得不為之。

　　我們以死的氣概，為了生而戰。

　　但我們還是孩子，我們還是孩子啊！中國母親，請認真看一眼你的兒女吧，雖然飢餓無情地摧殘著他們的青春，當死亡正向他們逼近，你難道能夠無動於衷嗎？

　　我們不想死，我們要好好地活著，因為我們正是人生最美好之年齡；我們不想死，我們想好好學習，祖國還是這樣的貧窮，我們似乎留下祖國就這樣去死，死亡決不是我們的追求。但是如果一個人的死或一些人的死，能夠使更多的人活得更好，能夠使祖國繁榮昌盛，我們就沒有權利去偷生。

　　當我們挨著餓時，爸爸媽媽們，你不要悲哀；當我們告別生命時，叔叔阿姨們，請不要傷心，我們只有一個希望，那就是讓我們能更好地活著，我們只有一個請求，請你們不要忘記，我們追求的絕不是死亡！因為民主不是幾個人的事情，民主事業也絕不是一代能夠完成的。

　　死亡，在期待著最廣泛而永久的回聲。

　　人將去矣，其言也善；鳥將去矣，其鳴也哀。

　　別了，同仁，保重！死者和生者一樣的忠誠。

　　別了，愛人，保重！捨不下你，也不得不告終。

　　別了，父母！請原諒，孩子不能忠孝兩全。

　　別了，人民！請允許我們以這樣不得已的方式報忠。

　　我們用生命寫成的誓言，必將晴朗共和國的天空！

　　絕食原因：第一抗議政府對北京學生罷課採取麻木冷淡態度；第二抗議政府拖延與北京高校對話代表團的對話；第三抗議政府一直對這次學生民主愛國運動冠以「動亂」的帽子及一系列歪曲報道。

　　絕食要求：第一要求政府迅速與北京高校對話團進行實質性的、具體的、平等的對話；第二要求政府為這次學生運動正名，並給予公正評價，肯定這是一場愛國、民主的學生運動。

　　絕食時間：五月十三日下午二時出發。絕食地點：天安門廣場。

　　不是動亂、立即平反！立即對話、不許拖延！為民絕食、實屬無奈！世界輿論、請聲援我們！各界民主力量，請支持我們。

北京高校絕食學生


一九八九年五月十三日

收聽

八九年北京學生感人的自白。作為年青人的我們，又為國家做過甚麼？

窮

以自己的尺去量度別人似乎是很普遍的事。

記得早前在煩惱買樓/租樓的事，買樓的首期是一個大難題，如果租樓又好像很蝕．更難儲首期。我知道那位朋友很想替我分擔煩惱．．．

「點解你唔租酒店式住宅呀？我有朋友租緊，都係萬幾蚊一個月渣，仲唔洗簽一年約，可以一路住，一路搵樓」
我：「萬幾蚊我點俾得起呀？咁貴…」
朋友：「萬幾蚊渣喎,,,我朋友都係剛剛畢左業都afford得到...」

同樣情況一直都有發生。

朋友提議去starbucks買外賣咖啡而我話自己好窮而拒絕…
「唔係呀嘛?咁大個人$30蚊都攞唔到出黎?」

坦白說我對呢2番說話有d反感。我想我並不是窮到$30都俾唔起，只是想盡量減少無謂消費，而且一杯外賣咖啡，我覺得唔值$30，我當日沒有即時反駁他「我銀行大把錢，不過偏唔想用$30飲一杯老麥$10有交易的咖啡咁x」

以防有一天我會沉不住氣，以後我只好說「我不喜歡喝咖啡」算。

「新」鞋

正所謂「平嘢冇好，好嘢冇平」，以前對呢句說話冇感覺，但今日我終於明白呢個道理。

$70蚊貨仔，我諗係咁上下，著左大約10次，平均$7一次，算係咁。好彩佢係喺公司「掰大口」，唔係喺街，如果唔係就真係好嬲！

搬屋(續)

續。

我發現世界上好多嘢都係有個"pattern"，會不繼重覆，又重覆。

話說順德人call左搬運公司約搬傢俱... ...

順德人:「我想問大約幾錢?」

搬運公司職員哥哥:「預2百幾啦」

順德人:「即係幾多?」

職員:「預2百5啦」

順德人:「包唔包搬嘢?」

職員:「2百5全包呀!」

順德人:「咁包唔包隧道費?」

職員:「全包呀!」

順德人:「咁停車場呢?」

職員:「都話全包咯!」

係咪有少少似曾相識呢?

睇呢道:

http://ck-pp.blogspot.com/2009/05/blog-post_03.html

林媽媽金句之一

林二小姐放工打電話俾林媽媽：「媽咪，我好肚餓呀，可唔可以煮定少少嘢俾我食？我半個鐘後番到。」
林媽媽：「好吖，你想食乜呀？」
林二小姐：「是但煮ｄ麵同煎隻蛋就得啦。」
林媽媽：「雪櫃有ｄ菜心喎，要唔要呀？」
林二小姐：「好呀！」
林媽媽：「仲有ｄ魚旦喎，要唔要埋呀？」
林二小姐：「是但啦！」

半個鐘後番到屋企，睇左２節劇集，個肚打晒鼓。
林二小姐：「媽咪，點解仲未有得食既？我好肚餓呀！頭先仲見你煲緊水格．．．？」
林媽媽：「車～你番來果陣都冇話肚餓，以為你飽左唔想食啦！」
林二小姐：「．．．．．．」

「搬屋」

星期日終於完成了勁運吉搬屋大行動！勁運吉因為住都冇住過就要搬走晒d嘢。以下是林二小姐同林媽媽的對話：

我：「媽咪，阿姨間屋d嘢搬走晒喇。」
林媽媽：「哦，係呀？」
我：「係呀！」
林媽媽：「係咪咩都搬走晒啦？」
我：「係呀，咩都搬走晒啦！」
林媽媽：「咁床褥都搬走埋嗱？」
我：「係呀，咩都冇喇，成間屋吉哂架啦！」
林媽媽：「咁廚房ｄ碗碗碟碟呢？係咪都搬走晒啦？」
我：「都話咩都搬走晒咯！！！」
林媽媽：「車~問下唶…」「間屋係咪真係咩都冇啦？」
我：「．．．．．．」

地下情?

近期懷疑，身邊有同事正在發展地下情！究竟係幾時”撻著”呢？真係唔知。咁點解我會懷疑呢？sorry啦，為左保障當時人既安全同埋保護佢地既私隱，我係唔會講架！所以你地唔好問我啦！

辦公室，的確唔係一個搵食的好地方，如果我是上司，我會好自然咁懷疑，呢位同事番工係做嘢定”撻嘢”呢？仲有ｄ同事一傳十十傳百，整整下２個人既事就變左成間公司既事，俾人笑足幾年；諗住２個人偷偷地約埋一齊食lunch或者放工點知撞到同事，隨時嚇到面青；係公司俾另一半睇住晒又唔敢同異性接觸太多，直接影響正常社交以及同事間既關係，你都咪話唔麻煩。不過咁，如果感情真係成熟起上黎，我覺得就不如公開關係啦，因為左暪右暪都好辛苦。

如果我真係估中左，希望呢２位同事有情人終成眷屬。

如果我估錯左，咁就祝呢２位同事工作愉快吧！

你的八卦同事上