任人擺佈的豬

我是一隻任人擺佈的豬

人類的世界好像容不下我

豬沒有選擇權

就算有,都是人類賜予的

他們任可時候都可以收回權力

我會被貶成一隻待屠宰的豬

砵仔糕

我覺得自己真係好為食，無啦啦會想食砵仔糕，人又懶，唔想出街，唯有自己整。屋企最細既器皿得飯碗，食完個巨形砵仔糕之後飽到有少少想嘔！

雖然SIZE係好大，但係都總算係成功既，我覺得都幾好味呀！下次整白色先！

有錢大晒咩

我好嬲呀!

好興呀!

冇天理呀!

朝朝早用個半鐘番工，我算。

朝朝早都好天曬落雨淋行成十幾廿分鐘，我都算。

２個月前搭開果部小巴突然消失左，搞到要朝朝行完再搭的士去巴士站再轉車去鰂漁涌，已經嬲嬲地。

今日，個的士站又唔見左，咩事？！

好心人見我一臉徬徨，話我知的士站搬左去「果邊」，我向住「果」個方向行，一路行，一路覺得唔對路，做乜搬到咁死遠。

好，我就行，睇你搬左去邊．．．唔睇尤自可，一睇就火滾，做咩小巴站同的士站都搬左去果個「假豪宅」御ｘ山？有錢人大晒咩？加個站冇所謂，做咩要消滅我個站咁賤格！

我而家真係好嬲呀！見到座嘢就想燒左佢！死人御龜山、御蟲山、御鼠山、御蚊山、御賊山、御塵山．．．．．．！！！！！

亂闖深圳

今日同順德人、kai子、多多到深圳小肥羊打邊爐，等位期間誤闖邪骨場！

入場時各人都沒留意原來宣傳單張有一句「各省靚女隆重駐場」。

入場後新發現... 什麼是「玉峰式按摩」?峰從何來?

打開小冊子一看，咦ｅ?點解d按摩師傅著咁少布?

原來我們進了邪骨場啊！入場後看到很多「玉峰女」，低胸短裙，制服薄過面油紙！場內那些客人大叔個個眼甘甘，樣子獪鎖，很好笑！我們當然只做普通的腳底按摩，找普通的嬸嬸，不用給小費，70分鐘連足浴，每人只是$18人民幣渣！

晚飯完畢４個人都獻出了第一次．．．深圳唱ｋ！我們來到Baby k，環境超ok，房間超大，音響勁好，極大lcd電視，選歌系統好先進，歌勁新！！！最緊要係超平，每人只是50大元！

隨房附設沙錘及搖鼓數個，加添熱鬧氣氛！

忽然覺得自己愈來愈raw添，點算好？

自家製格仔餅 yummy~!

上星期以信用卡積分換了一部格仔餅機，今日無聊在家試「玩」。這部格仔餅機很易使用，因為連一個制也沒有，最適合我這些機械白痴。

用了差不多$120先買到所有材料，牛奶並未攝入鏡頭。

製作中。不是很困難，可惜

製成了第一「底」後被老媽丟掉了，因為她說新的機器很污糟的，剩下來的粉漿只夠做1.5「底」,嗚...

剛烘起的餅，熱辣辣，有一陣陣香噴噴的雲厘拿味。

完成了，加上沙糖、花生醬和鍊奶，真的很好吃啊～～！！好肥仔呀！

老哥一吃再吃，口停不了。今次實驗成功啊！

材料：
1. 麵粉130g Plain Flour
2. 發粉 1 茶匙 Baking Powder
3. 雞蛋2隻
4. 砂糖20g
5. 鮮奶半杯
6. 牛油25g

7. 雲厘拿香油一茶匙。

製法：

1. 將雞蛋與砂糖放入盆中打勻，再加入鮮奶和已溶的牛油攪拌。

2. 麵粉與發粉篩勻加入蛋糊中拌勻，用濾篩過濾粗粉粒。

3. 預熱格仔餅機，慢慢倒入麵糊，蓋上約２－３分鐘，打開後用小叉子挑出格仔餅趁熱食好好味呀!