相信奇蹟

不幸再一次無情地降臨到您身上，但我相信世上有奇蹟，堅強的您一定會戰勝它！

多麼希望您能早日康復，幸福的日子，不可能沒有您。

公民教育第一課

公共交通工具上不可霸佔坐位。

玩樂深圳

很多朋友都對大陸很有偏見，覺得治安很差又污糟，但只要放下有色眼鏡，換個角度，嘗試接受，其實大陸真的有她可愛的一面。

大陸最令人感動的地方是「食」，在這裡隨便走進一間餐館都很好吃。今次我跟順德人再次到深圳樂園路吃海鮮，叫的菜跟往時都差不多：

炭燒蠔6隻

白淖基圍蝦一斤

豉椒炒聖子(手指咁長)

蒜蓉蒸扇貝一打

蒜蓉炒油麥菜

鐵板中式牛柳

計埋白飯、茶介、汽水、前菜，盛惠人民幣123大元，侍應仲堅決不收小費！

減肥計劃，已經被2天的大魚大肉破壞了。

減肥計劃暫停

沒辦法忘記2月12日那一夜Lim Lim豪爽地請我們到Morton吃晚飯，那一塊過千元的頂級燒牛肉、超新鮮的生蠔、鮮嫩的大帶子... 有誰可以忍口?

Lim Lim，點解我覺得你靚仔同man左咁多?

 

豬的減肥日誌 - 第一個星期

三個月，體重增加了8磅。

很愁。

上星期一開始了本人史上破天荒第一次地獄式減肥大計，今次我小宇宙超強，強到有時連自己都覺得驚！

我的減肥計劃首要條件是必須對身體健康，所以盡量控制飲食，再配合大量運動。事前看過了一些資料，大部份都說只做運動不控制飲食不會減到脂肪的，但若只是節食而不做運動，體重就很容易反彈，所以我今次計劃的主要策略是節食運動雙管齊下！

自上星期一開始，我已經戒吃了澱粉質食物，早餐只吃一隻蛋、一杯熱鮮奶或一隻蕉，午餐吃大量蔬菜，白烚雞肉或魚肉，晚餐做GYM前只吃一隻蕉或蛋，運動後不吃東西，只喝水。

上星期7天做了4次Gym每次跑步30至45分鐘，樓梯機1個鐘，再加上其他器械，星期六仲行左7個鐘頭山，途中堅持不吃。現在十天過去了，身體好像好了不少，精神好了，連氣管敏感都好起來了，昨天連續跑1個時都不覺得累。

十天的成績：輕左4磅！心中那團火在燃燒啊！！

荃灣行路去屯門(2)

第2集。

人生係好奇怪的，當你以為有ｄ嘢已經完結左，原來第2集會突然出現，讓你措手不及，所以做人千祈咪咁灰心，因為人生係充滿驚喜架！

今次我講既第2集就係，當我地行到出口諗住走人時，見到一0的好得意既稻草人，仲有２隻個樣好善良好可愛的狗狗，當我地停低欣賞時，入面有個好善良既叔叔同埋善良的姨姨揮手叫我地入去參觀，仲有個善良的小朋友對住我地笑，當我地好唔客氣咁入去時，2隻狗狗搖住尾巴咁迎接我

地！未開始，成件事已經好似好完美。

當我地入到去時，成件事就更加不得了！原來呢度係一個嘉道理農場出租既田地，呢個名叫大dee既叔叔逢星期6都會由荃灣走入黎種菜，當係興趣，佢續一介紹d農作物俾我地聽，我地睇到d咁新鮮既蔬菜真係開心到暈!

半熟小蕃茄

怕羞既白蘿蔔

粟米初長成

生菜成熟時

含苞待放小菊花

等待的木瓜

內向strewbarry

精神抖擻稻草人

呢位朋友仲嘗試播種tim!

打搞左人地咁耐，都係時候要走啦，行左成6個鐘，都差d唔記得左對腳已經累到抽晒根，正想講再見時，叔叔突然話要我地帶走d有機靚生菜番去食，姨姨仲立即割下十幾棵生菜，叫都叫唔住！！！！臨走仲塞多2個超大外星白蘿蔔，你睇個蘿蔔幾咁大？

今日真係好充實，突然間覺得人間有情，如果呢個世界多d咁既人，你話幾咁美好！

荃灣行路去屯門(1)

我覺得今次行山係本人個一創舉，首先，一段6個小時既路程，頭10分鐘我已經心跳加氣喘，我發現上樓梯係我行山一個好大既弱點，當自己扯緊蝦想死果陣，2個友人已經行到幾丈遠，好彩辛苦挨到上山行番平地同落斜，呢個時候本人已經回復狀態，尤如上左鍊一樣，一直全速行到黃金海岸!!!

今次係行元荃古道，風景都幾靚啊！

呢個竹林最令人難忘！真係好靚，好舒服！

之後一直行都會經過水塘，陽光晒落去閃下閃下咁真係好靚，不過傻瓜機影得麻麻。

今次行山好掂，我俾95分，扣左果5分係因為一直有個男人跟住我地，面皮9尺厚，3唔識7係咁講嘢，又話自己鍾意飛車，又玩電單車，又賽車，又有車又有樓，關我地咩事啊！！！嘔呀～死開d啦!