辦公室新成員

富貴竹 x 6支(@$5)

花樽 x 1 (@$38)

邪一邪阿邊個先!

舊聞一則

首先,我建議大家睇睇個caption先:


鄧太埋怨失業的丈夫領取綜援，令一家四口被街坊歧視，令她也不想踏出家門。終日留在家中睡覺的她，因此患上嚴重的肩周炎。





再睇下成篇報導,最緊要係留意下highlight左既句子:

綜援婦：居香港慘過在鄉下耕田！

(明報)5月10日 星期六 05:47
【明報專訊】「喺香港慘過喺鄉下耕田！」持雙程證、一家四口領取綜援 的鄧太表示，在鄉下耕田，動輒挑重50斤，在香港雖不用挑重擔，卻要承受歧視和冷嘲熱諷。「在樓下公園休息都會被街坊歧視，唯有整天睡在牀上，睡得太多，肩膀因此疼痛起來。」鄧太目標是拿到單程證 ，兩口子找到工作，不用欠租欠學費之餘，亦能根治肩周炎。
經濟拮据 孩子被迫寄養他人
兩年前鄧生鄧太的幼子出生，但經濟拮据，孩子被迫寄養別人家中，「當時老公剛被解僱，我們連住的地方都沒有，BB沒洗澡一星期，很臭，社署 便將兒子寄養別家。」現年4歲的長女剛出生時，夫婦也因為無力供養而將她寄居河南外公家中。
鄧太由於尚未取得香港居留權，綜援金額也只能計算3個家庭成員。一個月12,700元，聽上去似乎不少，但撇除開支仍捉襟見肘，「仔女每月學費都要5000蚊，屋租水電也要四千。」左支右絀，被迫偶爾也要向同是領綜援的家姑借十元八塊。
父親埋怨 為何嫁個窮男人
生活逼人，家人也有怨言，「父親埋怨我道﹕別人嫁的香港男人都是有錢人，為什麼你嫁的這麼窮？」兒子上學後也嚷着說同學球鞋很漂亮，要我買新鞋給他，我便說給他洗一洗破鞋便會像新的一樣，他卻說:「洗乾淨都無閃燈」！
無身分證 師奶歧視人情淡薄
以往鄧太會到附近公園散步，但現已不想再去，「其他師奶知道你冇身分證、衣著不光鮮，多不理睬你」；即使從內地來港的婦女都也會互相歧視，「一坐埋就會比較自己老公搵幾多錢，而家我都唔去公園，不想回家見到老公就『睇唔順眼』……男人搵錢是天職，佢（丈夫）依家好似食軟飯咁！」
「耕田窮極都有嘢食，鄰居都准你摘他田裏的菜；在香港連借鹽借油都唔得，鄰居一見我行過就閂門！」鄧生鄧太的願望很簡單: 兩年後鄧太拿到單程證，兒女接受免費教育，兩口子便可放棄綜援努力工作。
明報記者 何雪瑩

第一,我唔明點解係香港讀書要$5,000,乜唔係有學劵ka咩.冇人叫你送d仔女讀貴學校
第二,$12,700真係好多,香港好多人都係搵幾千蚊一個月養起成頭家,仲可以供到仔女讀大學....拿綜緩好多嘢都有資助,配眼鏡買電腦都唔使錢,反而努力番工既就冇.有幾多人出黎做野捱生捱死幾十年一個月人工都唔過萬
第三,好笑,肩周炎喎,話驚被歧視而唔敢出街,日日都呢係屋企攪到有肩膊痛...冇人叫你日日呢係屋企好似條蛇咁啵

而家經濟咁差,大公司都裁員了,我公司都要裁900人,見到呢d報導更加嬲,他們每天都不用營營役役，每個月都不用擔憂沒糧出，病了又不須用錢看醫生，屋租又不用交，若政府遲左過數入戶口，又可以大大聲投訴，只要定時定候講下自己幾悽涼就得。

我唔係歧視人拿綜緩,我只是不滿"鄧太"的不知足。我希望政府資源落係d真正有需要既人手中,而唔係一心諗住不勞而獲仲要不懂感恩既社會寄生蟲手上。

所以我強烈建議佢地番鄉下耕田,冇咁慘。

是日心情

低落。

單手打字實驗

well,今日都係歌頌誠哥,是關埋單打算拿出信用卡時,職員說:「唔使啦,我地已經收到你公司既信,冇問題啦,你可以去攞藥走啦...」計埋昂貴既醫生費,住一晚,手術費,化驗費,我仲要哎埋晚餐宵夜同早餐,萬3蚊連墊支都唔使,ohohoh~~~~

此乃痛苦的根源,明明上年已經擺脫左佢,今年佢又出來肆虐!!
http://ck-pp.blogspot.com/2007_03_01_archive.html







早餐超豐富,不過食完孖蛋後俾多人狂罵,原因係蛋係會"發"...其實咩係"發"啊?呢個餐係護士姐姐幫我叫ka喎....

實驗證明,單手打字速度唔止慢1倍,而係起碼慢5倍......完。

誠誠fans club

隻左手未試過咁痛...用唔到力,屈唔到,連撐開d手指都好痛!
星期四做手術啦....又.....
好煩呀!!點解咁架!!!
好彩有李嘉誠幫我俾醫藥費~~~
繼上星期佢公開話唔會裁員之後,今次睇普通科同專科醫生,都係20蚊喳~做手術如無意外都應該會係全包^^我決定加入誠誠fans club做佢忠實fan屎,誠誠真係好好呀~~~

惡菌橫行

近日幾位同事相繼病倒 ,連我呢幾日都開始有幾聲咳...本人相信病毒源頭來自一位喪的高層,好心病就咪番工 , 仲要困住大家開會,窗唔開,門又唔開...呢d正所謂連鎖效應,因為你一個人既決定搞到周圍d人病晒,一個傳一個,病毒變種再變種,分分鐘全世界幾千萬人死係你一個人手上

病係要休息先可以好番既, 幼稚園老師教過架,咪以為間公司冇左你唔得先得架.....

好累

今日好累。冇乜點瞓，晨早出發，舟居勞動．．．

可能因為水壓關係，個mask緊得好利害，扎到塊面瘀左，一撻撻紫紅色，唔知幾時先好番，我好唔開心。

左手的舊患復發了，真令人困擾．．．

Mr. Rubber Band

話說很多年前看過報章報道，有內地工廠以避孕套製造紮頭髮用的橡筋，看後腦中只有4個字:「有冇咁誇」,誰會想到今日真的讓我「大開眼界」!!!!!!

昨天晚上跟順德人去皇崗一間規模算是大的「休閒中心」按摩，設備十分完善，有獨立電視和電腦，整齊清潔，女更衣室更是應有盡有，所有「女人嘢」一應俱全。洗澡後順手拿了２條橡筋用來扎頭髮用，最後都沒有用(十個好彩!!!!)，只是離開時把它隨手放進了手袋帶回家。

回到家，我拿出橡筋，打算正式使用時，突然靈機一閃，好奇它會不會是聞名己久的環保超級新發明、循環再造最新概念、開創環境保護商品先河的condom rubber band呢～～？　

我拿出界刀、鉛子筆和白紙，把MR. Rubber Band放上手術床上，然後小心翼翼地、全神貫注地剖開他的表皮，在手術室燈光的映照下，露出他泛著奶白色的「橡光」，我心裡開始有一絲的忿怒了，難道他一直在「裝假狗」，全心要欺騙我嗎？我強忍著，盡力掩飾自己的情緒，我怕他起來反抗，把超級病毒存染給我．．．經橡皮筋而感染性病可不是開玩笑！

手起刀落，把頑強的黑色表皮續層撕破，心裡沒有一點猶豫，我誓要把他的假面具撕破！

出來了．．．終於看到他猙獰的面目，我沒有把他完全揪出來，因為那一刻我開始出現作嘔的感覺．．．我即時把他擲掉了，他將會跟界刀和原子筆，一起長眠。









鄭重告訴大家，千萬不要用相中那款橡皮筋，不要以為世事「冇咁橋」，因為Mr. Rubber Band偽裝能力高超，用橡筋，隨時都會染性病！


以下一段新聞，請大家引以為鑑。

避孕套紮髮橡筋 疑流入港 恐染菌
(明報) 12月 31日 星期一 05:05AM

【明報專訊】內地傳媒較早前報道，有內地工廠以避孕套製造紮頭髮用的橡筋，本港有傳媒亦於佐敦購得一批廉價橡筋，黑色絲線包裹五彩繽紛的軟膠，交予公正行化驗後，證實是乳膠，與製造避孕套

及醫學用手套是同一種物料，不排除有廠商廢物循環再用，為安全起見，建議消費者不應使用。

一包10多條僅售2元

有線電視 昨日報道，早前在佐敦一間飾物店購入一批紮頭髮用橡筋，每包有10多條，售2元，包裝袋沒有牌子，僅寫有「中國製造」字樣。在靜止狀態下，這些橡筋自然扭成麻花狀，與一般橡筋展開成圓形有明顯分別。剪開橡筋，發現黑色絲線包裹一條條由薄膜捲成的軟膠。

電視台記者購買橡筋時向店員查詢，為何零售價較一般橡筋便宜，表示想購買更多，店員就指旺角 花園街另一商戶亦有售。本報記者昨日到旺角花園街該店舖，並購買了每包2元的橡筋多包，但剪開後未有發現。

公正行消費品檢測部經理楊卓民表示，經化驗後證實是乳膠，但從其彈性、厚度及氣味評估，有機會是避孕套。他說，若是用過的避孕套，會附有人體體液，若加工前未有徹底消毒，有機會傳染病菌。

內地傳媒上月報道，廣州及東莞一帶的零售及批發市場，湧現大批廉價的紮頭髮用橡筋，批發價每個僅3仙，廣州一些「2元店」亦有售。據報道，有知情者表示，這些橡筋是來自不合格避孕套產品加工而成。同類事件早於02年首次揭發，內地執法部門曾採取行動，查封生產工場，一名浙江金華市衛生局工作人員發現，避孕套橡筋竟是「洋垃圾」，大多由不法商人從境外經廣東輸入。

全香港人的念力

今日，我開始相信當全世界有同一個夢想時，夢想就會實現！８字波　．．．　係８號波，我愛你！如果你不嫌棄的話，請下榻到星期五吧，但記得星期日好還番個太陽給我。

今天還有一件事值得慶祝，就是８號風球或黑雨終於沒有降落在我的annual leave或weekend上，真是好乖好抵錫！

願

哭了一晚,終於接受你走了的事實

8年的感情沒有消失,那是將會伴我一生的記憶

放工赤柱一日遊

春季旅行地點:赤柱
時間:晚上9時正

今日放工大夥兒去赤柱,由於時間尚早,車厘同學提議去唱k!今次vivi唔0係樹,終於冇人笑我點舊歌,嘩哈哈~!好慘啊,新歌試唱共十頁,一首都唔識!!!莫講話係唔識d歌,我連d歌手大部份聽都未聽過!我諗除左去唱下lunch k 之外,我唔會再去唱k啦,又貴又冇歌唱!

9時正校巴準時到達接載全校去赤柱,大家坐低即狂食薯片百力枝,我見仲有馬仔好想食但驚食得太失儀唯有放棄。校長和班主任今天都好像很開心啊。大家盡興至晚上11時半,回到家大約12時半,很累啊!

今次個女主角好靚女啊!大家要留意5月出街的廣告啦!

Just for you 陶喆

懶到出油的我，今晚特別為我的最愛寫blog，今天的blog just for you 陶喆，yeah yeah!

勁開心因為廿幾歲女生平去演唱會坐第一行，第一行第一行啊～～Stephy和側田都只不過是坐我側面既側面喎

陶喆起碼有十次是望住我唱歌的。

有幾次好想衝上台跟他握手，但secure哥哥樣子好像生得特別兇狠。

全場忘我地揮動在紅館門口買的價值$20的螢光棒，連同演唱會門券費用，是日消費已超過$500大元，完場前一小時螢光棒沒電了，勁嬲啊！我會認住那個收了我$20的嬸嬸。

發現陶喆的fans都是高質素的，很多靚仔靚女。

開場前買了很多零食，完場後驚覺自己竟然完全沒有吃過，是因為太投入了吧，還有就是不想被陶喆看到我的食相。

真係勁勁勁開心啊！

特別鳴謝揸兜銀行順德人舊同事cammy!!!!

齊來找出側田和stephy!

66隻Keroro

星期二收到順德人的神秘禮物!!是日本版麥當奴1套66款keroro公仔啊!順德人話香港冇得賣,放上ebay應該可以炒到千幾蚊,但係咁珍貴,我更加唔會賣啦!

66隻,真係好誇張啊!

幾經辛苦,用了2個鐘先可以將66隻小東西整齊掛起,很壯觀呢!由於我個豬欄實在太亂了,待有時間執整齊間房先影相俾大家睇^^

大家一齊唱!!!!

記得上年3月入醫院時看「放學icu」聽到一首好笑到爆燈的歌,(詳情收看以下achieve:
http://ck-pp.blogspot.com/2007_03_01_archive.html )原本以為沒有機會再看到,覺得不能跟大家分享實在可惜,但今天竟收到朋友在facebook forward過來當天節目的you tube短片!!!

快d睇啦! 好驚呀!!!!

ocean park探熊貓

31號去海洋公園,以為不是紅日應該會少遊人一點,誰知依然人頭"兇"湧!我冇寫錯字啊!四周遊人行步路都非常兇狠,死撞爛撞,看海洋劇場時背後一位普通話阿嬋跟我身貼身,一時又伸個頭出來跟我來多招面貼面,真是激死!來到海洋館時,情況依然嚴重,簡值舉步維艱,每走一小步路都有為數不少的大叔、阿嬋和死0靚仔衝過來,好不容易才走出室外,之後大家決定,不再進入任何展覽館類物體!

當日精選節目其實只有熊貓館,樂樂盈盈真是cute到不得了!2隻熊貓勁恩愛,所有遊人為之瘋狂!熊貓籠外塞了幾百人,搶位、拍照、人迫人!後面有數個大叔在鼓譟,前面幾個小朋友沒辦法離開,如果我是熊貓,在籠裡看著這班人應該幾好笑!


忽然樂樂剎有介事地放下竹葉,走上不遠處一個石台,用鑼友面向觀眾,屁股翹起, dum...4個氣水罐般大的屎球徐徐滾下,籠外觀眾好像痴左線,大聲叫囂,場面哄動!熊貓心諗,你班人都唔知做乜鬼!滾屎球都咁癲!盈盈不為所動,照食竹葉,cute死!









完場買了一隻身形和面相好像豬的熊貓,嘻嘻!