Lamma精華遊

30號跟2個同事到南丫島食海鮮,我們3個絕對是模範客人。要做模範客人首要條件是不看價錢!「好大隻呀~!」車厘同學第一時間被手臂咁長的瀨尿蝦深深吸引;vivi班長鍾情秘製醬汁炒蟹;我點了最愛的大帶子,3個人勁同海鮮影相,冇人問過價錢!!!!!是很好吃啊,但埋單600幾!嘩~原來發現瀨尿蝦王成15蚊兩!鈴子同學阿媽話齋,龍蝦都係9蚊兩渣!

加上晚飯、豆腐花、蛋卷和蝦醬,是日南丫島之旅花了500大圓!!

同學,下次如果去大澳,記得睇價錢...


壓軸還有海鮮店明星貓乙隻,你睇佢幾有型!!

懶到標油

順德人開始對每次到我blog都發現冇update過而感到不耐煩...係...因為懶是豬的天性,請不要大驚小怪,我最鍾意呢埋屋企咩到唔做淨係煲劇食嘢0係張床上碌下碌下又一日,懶既時間過得特別快,番工時間偏偏太漫長,想起今日先係星期一,真係唔開心~!

首先等我回顧下呢2個月發生了甚麼事...

11月和12月看了很多個show->有陳奕迅concert、詹瑞文《萬千師奶賀台慶》、周杰倫演唱會和黃子華《愈大鑊愈快樂》talk show。今次我不想講呢4個show既內容,因為4個show都很不錯,各有各好,我最想說的是4個show背後的故事。

首先是eason的concert, 約了順德人8點15分紅館等,這位在唧唧冰工作的朋友8點40分都未出現,我當然知道是因為工作繁重所以遲到,但我都按捺不住了,忍不住發了順德人脾氣,sorry啊,但下次唔好再遲到,最僧開場先入場!

跟住到詹詹的show,今次的主角又是順德人,因為呢位朋友因為公務繁重關係,掛住做嘢,到放假既時候記性差到冇人有,今次係記錯了開show地點!以為今次準時到達灣仔演藝冇死,點知收飛哥哥話:「唔好意思,呢個show係尖沙咀文化中心ka」頂,唔係嘛!各位唔好問我個show好唔好睇,因為我其實miss左30分鐘!

不過呢,順德人除左記性差d之外,其他都幾好既(-_-!)黃子華的ticket其實是一個surprise,睇show之前2日都未知有得去啊!最重要係出奇地好好睇,勁好笑,笑足3個鐘!最記得係一開show時黃子華話:「開show前,我同自己講過,如果有一場係冇人遲到的話,就果場全場回水!」然後指住台前2張空櫈:「嗱,一陣呢2個人來到一坐低,我地就全場起晒身,到我叫全場起身,見到果2個人起左身之後,就全場坐底,大家話好唔好 ?」跟住全場即起哄!到個show開始了半小時左右,一對情侶施施然入坐,全場觀眾一早留意左好耐,未等黃小華出聲全場幾千觀眾已經做嘢,全場大笑!

圖左呢位苦面哥仔同我地一齊睇,做咩個樣咁惡啊...笑番啦!

到周杰倫個show,真係幾好睇既!所有歌都超好聽,但最僧係南拳媽媽做咩唱成5首歌咁多!!全場到第三首果陣已經勁嬲啦!未見過一個演唱會的廁所位可以長到咁!我眼見全場三分一人排完隊大都開埋佢地都仲未唱完!計埋周董換衫的時間,我覺得應該最少退番50蚊啊!

講完睇show,要講下結婚,呢2個月有4位朋友結婚了。其中一個是我識了十幾年的中學同學,佢個婚禮真係最叻整喊人!新娘喊左好多次唔在講,班姐妹都喊到對眼花哂!見到佢地2公婆咁恩愛真係好sweet!另外一個是畢業之後第一份工的靚女同事,佢果個婚禮,同徐子淇果個應該只係爭一格,好豪華,成個婚禮感覺好舒服,見到佢咁幸福真係好凳佢開心!最可惜係因為應承靚女同事在先,參加唔到表哥晚上的婚宴和陳佩琪的生日party!希望表哥唔好嬲啦!

呢2個月,其實都好平淡,去下街,同玩朋友玩咁,好開心,完全覺得自己仲係一個讀緊u咩都唔識咩都唔理既小朋友,一個人有這樣的生活總算無憾,唔知以後可唔可以都係咁呢?